Претседателот Стево Пендаровски, во придружба на неговата сопруга Елизабета Ѓорѓиевска, денеска во Лондон ѝ оддаде последна почит на британската кралица Елизабета II.
Пендаровски во Лондон утре ќе присуствува на погребот на кралицата во Вестминстерската палата.
Претходно тој се потпиша во Книгата на жалост за крализацата Елизабета II.
„Со сопругата оддадовме почит на посмртните останки на кралицата Елизабета II, пред утрешната погребна церемонија во Вестминстерската опатија. Голема почит за децениите во служба на народот и за тоа што беше пример за лидерство, скромност и великодушност. Нека почива во мир“, напиша претседателот Пендаровски на својот Facebook профил.
Кралицата Елизабета II почина на 96-годишна возраст на 8 септември. Таа беше монарх со најдолго владеење во британската историја и најстар шеф на држава во светот.
