Пендаровски води на анкетите на Рејтинг и на МЦМС

Скопје, 15 април 2019 (МИА) – Кандидатот за претседател поддржан од СДСМ и коалицијата Стево Пендаровски би добил најмногу гласови на претседателските избори – 38,3 отсто, доколку утре се одржи гласањето.

Ова го покажуваат резултатите од анкетата која ја спроведе агенцијата Рејтинг во периодот од 8 до 14 април, врз репрезентативен примерок со кој беа опфатени 1.112 испитаници.

За кандидатката поддржана од ВМРО-ДПМНЕ и коалицијата Гордана Сиљановска-Давкова се определиле 33,2 отсто, а за кандидатот, поддржан од албанската опозиција Блерим Река, 12,6 отсто, додека 15,9 проценти од испитаниците сѐ уште не знаат за кого ќе гласаат.

Според резултатите од испитувањњето 42,9 отсто сметаат дека претседателските избори се мошне важни за иднината на земјата, 29,4 отсто сметаат дека се прилично важни, 14,9 отсто дека не се ниту важни, ниту неважни, 3,3 отсто дека се прилично неважни, 6,6 отсто дека не се воопшто важни, а 2,8 проценти не знаат или не дале одговор.

Редовно кампањата ја следат 20,7 отсто од испитаниците, често ја следат 25,2 отсто, понекогаш 25,4 отсто, ретко 19,3 отсто, никогаш девет отсто.

Најголем дел од испитаниците за кампањата се информираат од телевизиите – 58,8 отсто, 20,1 отсто од социјалните мрежи, 7,5 отсто од интернет порталите, агрегаторите, 1,3 отсто од радио, 0,2 отсто од печатот, 4,1 отсто од разговори со пријатели, а 8,1 отсто не ја следат.

На прашањето за кој од кандидатите за претседател би кажале дека води според два критериуми – најдобра кампања и најпозитивна кампања резултатите покажуваат дека 30,8 отсто сметаат дека Стево Пендаровски има најдобра кампања, а 31,8 отсто сметаат дека има најпозитивна кампања.

Дваесет и шест отсто сметаат дека Сиљановска Давкова има најдобра кампања, а 27,4 осто дека има најпозитивна кампања, додека 10,1 отсто сметаат дека Блерим Река има најдобра кампања, а 10,4 отсто сметаат дека има најпозитивна кампања.

МЦМС: Пендаровски со 27,2 отсто пред Сиљановска со 23,5 и Река со 11 отсто

Стево Пендаровски е во благо водство (27,2 отсто) пред Сиљановска Давкова (23,5 отсто), односно разликата е 3,7 процентни поени, покажаа резултатите од истражувањето направено од Македонскиот центар за меѓународна соработка (МЦМС) и Институтот за демократија „Социетас цивилис“ (ИДСЦС) Скопје на барање на Телевизија Телма.

Во извештајот „Претседателски избори 2019 – втора анкета“ се презентирани и анализирани ставовите на граѓаните во земјава во однос на претстојните претседателски избори, добиени преку испитувањето на јавното мислење во периодот од 7 до 11 април годинава.

Поддршката за Блерим Река, кандидат на Алијансата за Албанците и на Беса е 11 отсто од испитаниците што е речиси идентична со таа од претходната анкета, додека Пендаровски, за разлика од првата анкета, го зголемил водството од 2,6 на 3,7 процентни поени.

Резултатите покажуваат дека Сиљановска-Давкова има поголема поддршка кај етничките Македонци (32,6 отсто) за разлика од Пендаровски (28,6 отсто). Пендаровски, пак, има поголема поддршка кај етничките Албанци (20,5 проценти) отколку Сиљановска-Давкова (0,4 проценти). Поддршката за Пендаровски кај етничките Албанци е поголема за 5,3 отсто во однос на претходната анкета. Најголем дел од етничките Албанци одговориле дека ќе гласаат за кандидатот Блерим Река (41,6 проценти).

И во оваа анкета, како и во претходната на МЦМС, мнозинство од испитаниците, односно 68,1 отсто рекле дека ќе излезат, а нешто помалку од една четвртина или 22,5 отсто рекле дека нема да излезат на изборите.

Споредено со претходната анкета, пораснал процентот на оние што сигурно ќе излезат на избори од 37,2 отсто на сегашните 41,8 отсто, а малку се намалил процентот на оние кои сигурно нема да излезат на изборите од претходните 20,4 проценти на сегашните 18,3 отсто.

Големо мнозинство од етничките Македонци односно 71 отсто и мнозинство од етничките Албанци (63,3 отсто) одговориле дека ќе излезат на гласање. Сепак, според анкетата, изјавите за излезност на гласање треба да се земат со голема резерва, бидејќи праксата покажува дека реалната излезност е доста помала од онаа што се декларира при вакви анкети. Анкетата е спроведена на национален репрезентативен примерок од 967 испитаници.

реклама

Три уреди во домот што никогаш не треба да се исклучуваат од струја

Read more

Откриена најголемата змија што некогаш живеела на Земјата

Read more

Полната Месечина во Скорпија на 24 април ќе направи хаос

Read more

Научници открија која храна го зголемува ризикот од рак

Read more

Македонија

Извештај за човекови права во Македонија на Стејт департментот: Недоверба кон судството, насилства кон ЛГБТ заедницата и поткопана слобода на изразување

Read more

Одрони на неколку патни правци

Read more

Нема да има работни саботи за учениците, МОН донесе нова одлука

Read more

ССМ повика на првомајски протест со барања до новата влада

Read more
 

Вести

Макрон и Идалго ќе пливаат во Сена за да го докажат добриот квалитет на водата за Олимпијадата

Читај повеќе

Кореец уби 76 мачки, почнал да ги мрази оти му го изгребале автомобилот

Читај повеќе

Стејт департмент: Властите во Бугарија продолжија да негираат регистрација на етничко-македонски активистички групи

Читај повеќе

Извештај за човекови права во Македонија на Стејт департментот: Недоверба кон судството, насилства кон ЛГБТ заедницата и поткопана слобода на изразување

Читај повеќе

Одрони на неколку патни правци

Читај повеќе

Нема да има работни саботи за учениците, МОН донесе нова одлука

Читај повеќе

Уапсен ученик во основно училиште во Влае: Кршел инвентар, физички нападнал соученици и двајца наставници

Читај повеќе

Москва: Западот им го прави на Украинците она што им беше направено на домородните Американци

Читај повеќе

Мотоциклист удрил во пешак на Партизанска, двајцата повредени

Читај повеќе