Една од главните (неполитички) теми во Јужна Кореја деновиве се секако Зимските Олимписки игри во Пјонгчанг. Сепак, една туристичка атракција се покажува како поинтересна и попосетена од арените.
Станува збор за Пенис Парк во пристанишниот град Синам, посветен на фалусот, каде се поставени бројни фигури, скулптури и други објекти во форма на машкиот полов орган, во најразлични димензии.
На бројните туристи им е презабавно да седат и да се одмараат на огромните фалусоидни клупи. Топовите изложени во овој парк наместо класични, имаат цевки во облик на пенис, како и речиси сѐ друго во паркот.
На повеќето туристи овој парк им е многу интересен, па се прашуваат како настанал. Има неколку легенди за создавањето на паркот и скоро сите се тажни и трогателни.
Една од нив е приказната за една невина девојка која загинала во бура откако дечкото ја оставил на една карпа за да отиде да собира алги. По нејзината трагична смрт, риболовците во тој крај останале без работа бидејќи рибите како да исчезнале од морето, па немале што да ловат.
На несреќната девојка и изградиле споменик во форма на пенис за да го задоволат нејзиниот дух.
Колку и да изгледа посебен, Пенис Парк во Синам не е единствениот ваков парк во Јужна Кореја. Во оваа азиска зрмја има неколку вакви паркови.