Министерството за одбрана на САД издаде наредба за создавање на спрецијализиран оддел за детекција на неидентификувани воздушни објекти, кој ќе биде наследник на оперативната група за неидентификувани воздушни феномени која е под закрила на морнарицата.
Според известувањето објавено од Пентагон, новата оперативна група е именувана како Група за идентификација на воздушни објекти и синхронизација на управувањето, или скратено АОИМСГ (AOIMSG). Нејзина задача ќе биде да ги координира напорите на американската влада при детекција, идентификација и регистрирање на објектите од интерес во СУА (Воздушен простор за специјална употреба) и да ги проценува и ублажува сите можни закани за безбедност при летање и национална безбедност.
Оперативната група ќе биде составена од високо стручни лица, експерти од Министерството за одбрана, како и специјалисти од други владини агенции. Одлуката да се реорганизира единицата која се бави со неидентификувани воздушни феномени (НВФ) е последица на препораките издадени во извештајот на Канцеларијата на директорот на Националната разузнавачка служба (ОДНИ).
Во наредните неколку недели одделот ќе направи патоказ за АОИМСГ, кој ќе вклучува детали за управувањето, организациската структура и финасирањето на новата единица.
Од Пентагон потенцираат дека многу сериозно ги сфаќаат извештаите за „било каков воздушен објект, идентификуван или неидентификуван“ и дека отвораат истрага за секој случај. НВФ претставуваат потенцијална закана за авионите и за националната безбедност во поширока смисла, како што вели меморандумот за создавањето на АОИМСГ.
Изветајот направен од ОДНИ и поднесен до Конгресот во јуни годинава издвојува 5 „потенцијално објаснувачки категории“ за НВФ:
- неред во воздухот
- природен атмосферски феномен
- американска владина или индустриска програма
- странски противнички системи
- друго.
