Адвокати во Германија расправаат за тоа како да се справат со еден пензионер кој во подрум чувал тенк, противавионска пушка и торпедо од Втората светска војна.
Оклопното возило „Пантер“ беше отстрането од подрумот на куќата на сега веќе 84-годишниот маж во северна Германија, во градот Хајкендорф, уште во 2015 година. Но, обвинителите и бранителите сега преговараат за можната казна, која се движи од условна и парична, до 500.000 евра казна.
Според адвокатот на обвинетиот, Американскиот музеј е заинтересиран за купување на „Пантерот“. Многу историчари тврдат дека тоа било најефикасното воено возило што го користела Германија во Втората светска војна.
Адвокатот исто така рече дека голем број германски колекционери контактирале со обвинетиот поради други предмети, вклучително и пушки и пиштоли.
На судското рочиште адвокатите се обидоа да утврдат дали воената колекција го крши германскиот закон за контрола на оружјето. Одбраната тврди дека многу оружја веќе не се функционални и дека „Пантерот“ е купен како отпад и размислува да прифати казна помала од 50.000 евра.
Во јули 2015 година, околу 20 војници го извлекуваа „Пантерот“ од имотот девет часа.
Следното рочиште е закажано за утре, а пресудата се очекува следниот месец.