Пеп таличен за Селтикс: Бостон го уништи Далас на стартот од финалето

Бостон Селтикс ноќеска го победи Далас Маверикс со 107:89 на стартот од финалната серија на НБА.

Домашните веќе водеа со 37:20 по првата четвртина и натпреварот беше еднонасочен од почетокот.

Во еден момент имаше и 29 поени предност за Бостон, а Далас иако на средината на третата четвртина намали на 72:64, до крајот остана без сила и доживеа убедлив пораз.

Бостон до победата го предводеа Џејлен Браун со 22 поена, Кристапс Порзињѓис, кој се врати по едномесечната повреда, со 20 поени и Џејсон Тејтум со 16 асистенции.

На Далас не му помогна одличниот Лука Дончиќ со дабл-дабл од 30 поени и 10 скока, а Кајри Ирвинг потфрли со само 12 поени и многу лоша шутерска реализација од 6/19.

Големо внимание на трибините привлече тренерот на Манчестер Сити, Пеп Гуардиола, кој се појави во „ТиДи Гарден“ и ги бодреше Селтикс, а носеше и клупски дуксер.

Следниот меч од серијата се игра ноќта меѓу недела и понеделник, повторно во Бостон, со почеток во 2 часот по македонско време.

Селтикс ја бркаат својата прва титула од 2008 година, а евентуалната нова титула би била нивна 18-та во историјата, што повторно би ги направило независни рекордери, со оглед на тоа што моментално се изедначени со Лос Анџелес Лејкерс со по 17 титули.

Од друга страна, Маверикс предводени од одличниот Словенец Лука Дончиќ ја ловат втората НБА титула во својата историја откако Дирк Новицки ги предводеше до првата во 2011 година.