Доколку не спаѓате во групата на луѓе кои ќе седнат и ќе се обидат да медитираат за да се опуштат, постои уште еден начин а тоа е - пешачењето.
За разлика од прошетката со некоја блиска личност, медитацијата со пешачење треба да ја практикувате за да се фокусирате на мислите, чувствата и телото, без притоа да ги означувате како добри и лоши. Допуштете мислите да течат без да се оптеретувате со нив. Кога ќе обрнете внимание на начинот на којшто се движите, ќе се обидете да ги отпуштите лошите мисли.
Најдобро е овој вид на медитирање да го практикувате наутро пред да почнете со работа. Ова е добар начин за да се фокусирате и да се посветите на работните обврски. Експериментирајте и ќе видите што најмногу ви одговара.
Пешачете поспоро од вообичаеното, дишете длабоко и држете ги рацете до телото како што вам ви одговара.
Ослободете ги своите емоции, чувства, спомени. Запомнете дека не треба да се критикувате себеси за она што веќе се случило бидејќи тоа останува во минатото.
Продолжете да пешачите и фокусирајте се на сегашниот миг. На тој начин ќе се ослободите од стресот и она што ве мачи. Не заборавајте дека со пешачењето ќе го подобрите и физичкото здравје и ќе останете во форма.
