Портпаролот на Кремљ, Дмитриј Песков, изјави дека доколку Украина не ја сака руската вакцина против COVID-19, тогаш другите земји ќе добијат повеќе.
Коментирајќи го одбивањето на Киев да ја купи руската вакцина Спутник V, Песков истакна дека за другите земји, кои ја бараат оваа вакцина и се подготвени да ја прифатат со задоволство, ќе остане поголемо количество.
Според него, се преземаат надчовечки напори да се задоволи побарувачката за вакцината, откако таа ќе биде обезбедена за сите руски граѓани.
– Знаете дека глобалната побарувачка за руската вакцина е толку голема, што производствениот потенцијал моментно не дозволува веднаш да ја исполниме, додаде Песков.
Претходно, украинскиот претседател Володимир Зеленскиј изјави дека „Украинците не се зајаци“ и со нив не може да се експериментира.