Почнаа подготовките за зимата, а цените драстично се зголемија поради војната во Украина и воведувањето санкции на Русија. Ви претставуваме пет едноставни и евтини начини како може да ги загреете куќата или станот.
Покрај зголемувањето на цената на струјата, со поголеми сметки се соочуваат и оние кои се греат на парно или со дрва. Со помош на овие совети може дополнително да го згреете домот без скриени трошоци.
По печење на некое јадење, кога ќе ја изгаснете рерната оставете ја отворена. На тој начин преостанатата топлина ќе ја згрее просторијата во која се наоѓа. Нема да ве чини ништо, а ќе добиете две во едно – ем јадење, ем стоплена просторија.
Лошото дихтување на вратите и на прозорците може да го олади вашиот дом. Обрнете внимание на малите простори и потрудете се да ги обложете со некоја ткаенина или сунѓер.
Доколку живеете во куќа или стан со повеќе соби, а во кои не минувате многу време, не заборавете да ги затворите. На тој начин ќе се задржи доволно топлина во главната просторија во која престојувате, како на пример во дневната соба.
Теписите се одлична бариера меѓу ладниот под и вас. Во текот на зимскиот период одберете меки и подебели теписи и нема да е покаете, ниту настинете.
Пред грејната сезона, доколку имате централно греење, проверете ги сите радијатори во домот. Ако воздухот во нив е заробен, тоа значи дека нема да работат како што треба. Затоа се советува малку да ги одвртите вентилите и оставете радијаторите да „дишат“.
