Иако денот има 24 часа, често имате чувство дека времето „лета“. Затоа е важно што подобро и поефикасно да го искористите слободното време.
Ова се пет трикови кои ќе ви помогнат да бидете попродуктивни и организирани.
Вежбајте наутро
Тренирајте наутро. На тој начин нема да имате причина да го прескокнете тренингот за да имате време за друга активност во текот на вечерните часови. Освен тоа, ќе се чувствувате многу подобро и попродуктивно во текот на целиот ден.
Распоредете ги кратките паузи во текот на работниот ден
Иако можеби не ви изгледа така, но кратките паузи се многу важни. Направете неколку вежби за истегнување за да го разбудите телото и да се ослободите од болките поради лошото седење.
Направете листа со најважните обврски
Во текот на денот имате многу обврски, но ако направите листа со приоритети ќе си го олесните животот. Секое утро напишете три најважни работи што треба да ги завршите до крајот на денот.
Оставете го телефонот
Не сме свесни колку време трошиме на социјалните мрежи. Оставете го телефонот и одморете го мозокот од непотребни информации, а со тоа ќе ги завршите и заостанатите обврски.
Облека
За да заштедите време, направете план за тоа што ќе облечете, пример- кошула, панталони и чизми. На тој начин секогаш ќе знаете што барате кога наутро ќе почнете со подготвување за на работа.