Сајтот Booking.com неодамна откри пет летни дестинации, кои во текот на летните месеци се најисплатливи и за кои можете да заштедите дури 50 отсто од нивните реални цени во сезоната.
Во прилог погледнете ја листата:
Кордоба
Кордоба во Андалузија покрај тоа што е позната по својата гастрономија и неверојатна архитектура, позната е и по топлата клима во текот на целата година. Во август цените се 50 отсто пониски од обично, поради тоа Кордоба е место кое треба да го посетите кон крајот на летото кога времето е неверојатно, а градот прилично ослободен од туристи и гужви.
Патонг, Тајланд
Плажата Патонг е една од најпознатите плажи во тој регион која е полна со барови, клубови и ресторани, па е идеална за годишен одмор. Интересно е тоа што Патонг е најевтин и тоа за дури 49 отсто од вообичаеното. Оние кои ќе го посетат ова место можат да уживаат во неверојатниот ноќен живот кој се нуди, идиличните плажи и вкусната храна.
Њу Орлеанс, САД
Градот во кој е создаден џезот и кој се одликува со уметност, историја, ресторани и архитектура, во август е за 48 отсто поевтин во споредба со останатите месеци, кога хотелите се двојно поскапи. Покрај тоа што Њу Орлеанс е најевтин во август, тогаш е и месецот на музеите, но и месец на музички фестивали, како што е Satchimo Summerfest.
Салвадор, Бразил
Салвадор е за 29 отсто поевтин ако во него летувате во декември. Неверојатен брег, специфична кујна која освојува после првото залче, како и едниот од најголемите карневали на светот, се доволни причини да размислите за оваа егзотична дестинација.
Златен брег, Австралија
Рај за сурфери, но долгите песочни плажи, тематските паркови и долгите сончеви денови се вистинска причина да се упатите на оваа локација. Покрај тоа што во февруари сместувањето е поевтино за 34 отсто, постои уште еден бенефит – помалку туристи и гужва, па поради тоа можете потполно сами да уживате во големите и долги песочни плажи.
