ЛИГА ЕВРОПА 2019/20

Пет екипи обезбедија нокаут-фаза во Лига Европа

Севиља со максимален ефект го осигура првото место во својата група, а пласман во шестнаестинафиналето обезбедија и Базел, Селтик, Еспањол и Манчестер Јунајтед. На чекор се и Арсенал и Брага.

На синоќешните натпревари имаше неколку изненадувања, а најголемото го приреди белгиски Гент кој на гости успеа да го совлада бундеслигашот Волфсбург. Иако на полувреме губеше со 1:0, Гент во вториот дел за 26 минути постигна три гола преку Роман Јаремчук, Лоран Депоатр и Мишел Нгадо-Нгаџу.

Лацио во последните моменти од натпреварот фрли сѐ на една карта барајќи гол за победа, но офанзивата во судиското надополнување ги чинеше контра на Селтик и молк на „Олимпико“. Претходно римјаните поведоа преку Чиро Имобиле, израмни Џејмс Форест, а победничкиот гол беше дело на Оливје Нчам на асистенција на Одсон Едуар.

Гол за победа во судиското надополнување постигна и Борусија во Менхенгладбах против Рома. Факундо Фасио со автогол ги донесе Германците во водство, а потоа истиот играч се изваде постигнувајќи гол за израмнување. Маркус Тјурам во 95-тата минута ги испрати Италијанците дома со пораз.

Порто гостуваше во Глазгов кај Ренџерс и си замнина со пораз. Два гола постигнати за пет минути од 69-тата до 73-тата преку Алфредо Морелос и Стивен Дејвис донесоа радост за тимот на Стивен Џерард.

За разлика од гостувањето во Белград, Манчестер Јунајтед на „Олд Трафорд“ немаше проблеми со Партизан. Убедливата победа од 3:0 ја најави Мејсон Гринвуд, погоди и Антоан Марсјал, а точка стави Маркус Рашфорд.

Еспањол го понижи бугарскиот претставник Лудогорец победувајќи го со 6:0. Сите голови ги постигнаа различни фудбалери: Оскар Мелендо, Љуис Мармол, Матијас Варгас, Виктор Кампусано, Адрија Педроса и Факундо Перејра. Бугарите од 12-тата минута беа со играч помалку, а од 35-тата со два.

Севиља имаше лесна задфача на гости кај луксембуршкиот претставник Дуделанж и уште на полувреме со 0:4 ја осигура победата. На крајот славеше со 2:5, Мунас Дабур постигна два, додека Мунир Ел Хадади хет-трик. За домаќините два гола постигна Даниел Синани, Македонец-Горанец од Косово кој игра и за репрезентацијата на Луксембург.

Базел со 2:1 го победи Хетафе и обезбеди пласман во наредната фаза. Артур донесе водство, Шпанците израмнија преку Хаиме Мата од пенал, а потоа Фабијан Фрај донесе радост за Швајцарците.

реклама

Што треба да правите по секое вежбање за да стопите двојно повеќе масни наслаги?

Read more

УФЦ нокаут како на Зангиеф од Street Fighter

Read more

Конор Мекгрегор ја запроси Ди по 12 години врска

Read more

Најдобри вежби за стомачни мускули, научно докажано

Read more

Фудбал

Атлетико Мадрид потврди два случаи на зараза со коронавирус

Read more

Сите голови на Милан во сезоната 2019/20

Read more

Силекс против шампионот на Азербејџан во квалификациите за ЛШ

Read more

Барса - Баерн е најатрактивната средба во ЛШ

Read more

Спорт

Атлетико Мадрид потврди два случаи на зараза со коронавирус

Читај повеќе
  • play_arrow

Сите голови на Милан во сезоната 2019/20

Читај повеќе
  • play_arrow

УФЦ нокаут како на Зангиеф од Street Fighter

Читај повеќе

Верстапен победник на јубилејната трка во Формула 1

Читај повеќе

Силекс против шампионот на Азербејџан во квалификациите за ЛШ

Читај повеќе

НБА: Почетокот на следната сезона можно е да се одложи за јануари

Читај повеќе
  • play_arrow

Барса - Баерн е најатрактивната средба во ЛШ

Читај повеќе

Буфон до Пирло: Сега треба да ти се обраќам со „господине“?

Читај повеќе
  • play_arrow

Борец го совлада Вардар на отворањето од новата сезона во 1.МФЛ

Читај повеќе