Скопје, 11 август 2020 (МИА) – Полициски службеници од СВР Скопје на ул.„Иван Хаџиниколов“ синоќа во 22:10 часот го лишиле од слобода Д.С.(22) од Скопје, затоа што при извршен преглед кај него била пронајдена марухуана.
По документирање на случајот, против него ќе биде поднесен соодветен поднесок, соопштија денеска од МВР.
Синоќа во 23:00 часот, полициски службеници од СВР Скопје на ул.„Христијан Тодоровски Карпош“ го лишиле од слобода Р.И.(35) од Скопје, затоа што при извршен преглед кај него била пронајдена марихуана. По документирање на случајот, против него ќе биде поднесен соодветен поднесок.
На 10.08.2020 во 22 часот во СВР Охрид биле приведени и лишени од слобода Д.Н.(24) и Г.Л.(26), двајцата од Скопје. При обид за преглед во близина на спортско игралиште во Охрид, тие почнале да бегаат од полициските службеници, по што еден од нив, исфрлил опаковка со таблетки. Таблетите, стои во соопштението од МВР, се одземени и предадени на вештачење, а по целосно документирање на случајот ќе биде поднесена соодветна пријава.
На 10.08.2020 во периодот од 17:30 до 18:05 часот, по претходна наредба од судија на претходна постапка при Основен суд Гостивар, бил извршен претрес во дом и други помошни простории каде што живее К.П.(48) од Гостивар. При претресот биле пронајдени кутија со семки, повеќе таблетки, крушум и дробилка, кои се одземени за вештачење. К.П. бил лишен од слобода и задржан во полициска станица Гостивар за понатамошна постапка, при што ќе следи и соодветен поднесок.
