Најчестата причина за неуспешното намалување на тежината не е невнимавањето или неупорноста, туку погрешните митови кои веруваме дека ни помагаат, а всушност ни одмагаат.
Строгите правила ги демотивираат луѓето да се придржуваат кон здравите навики, па тие за кратко време се откажуваат од диетата. Се измачувате вежбајќи, а резултатот доаѓа ептен тешко. Не е до вас, до погрешните информации е.
Кои се најчестите митови за слабеење во кои верувате?
Не треба да вечерате
Овој мит е најлош и не треба да го почитувате. Секој човек има различно темпо на живот, па затоа најправилно е да вечерате доколку ви се јаде, но да јадете здрава храна како салата или туна.
Десертот е забранет
Истражувањата покажаа дека доколку воопшто не јадете слатка храна, ќе се прејадете за време на ручекот или вечерата. Постојат и здрави десерти кои може да ги јадете додека сте на диета.
Не јадете овошје
Научниците докажаа дека треба да јадете свежо овошје додека сте на диета бидејќи внесувате квалитетна храна и на тој начин ќе слабеете, па затоа не верувајте во овој мит.
Јаглехидратите се лоши
Исхраната која не содржи јаглехидрати е штетна за организмот. Мозокот троши 130 г јаглехидрати кои се неопходни и за вежбање. Бирајте ги паметно, но не ги избегнувајте.
Мора да ги броите калориите
Не е важно само колку калории внесувате туку што јадете во текот на денот. На пример, јадење во кое ќе додадете авокадо може да има ист број калории како и колач, па затоа треба да обрнете внимание на тоа што јадете, а не колку јадете.
