Најмалку 43 луѓе починаа при колапс на мостот Моранди во Џенова, Италија. Најчестото прашање што сега се поставува е зошто мостот се урна и дали трагедијата можеше да биде спречена.
Опасноста од уривање на овие џиновски структури над вода секогаш постои. Според Американската асоцијација за цивилно инженерство, приближно еден од девет мостови во САД се оценети како структурно дефицитарни.
Кога еден мост се руши постојат бројни фактори кои влијаат за тоа, но ова се петте најчести причини:
1. Природни катастрофи
Земјотресите, силните ветришта и поплавите се сериозен проблем, особено за постарите градби на мостови, изградени пред модерните безбедносни мерки.
Мостовите често се оштетуваат од земјотреси, исто како и од поплави со тоа што делови од мостот можат да испукаат или да се отцепат.
2. Неефективен дизајн
Никој не е совршен, дурни ни талентираните дизајнери на мосотви. Додека некои мостови се конструирани совршено со квалитетни материјали, сè уште можат да потфрлат ако дизајнот е погрешен. Мостовите со слаб дизајн моат да потфрлат во издржувањето доволна тежина или да не ги издржат природните услови.
3. Грешки при изградба
Во текот на изградба многу лесно се случува рушење на мостот при што често се случува да загинат или да бидат повредени работници. Со самата изградба на конструкција работниците кои работат се ставени во опасна ситуација дури и кога има една најмала грешка.
Пример за тоа е уривањето на мост за време на изградба во 1907 година во Квебек, при што загинале 75 работници.
4. Евтини материјали
Издржливоста на мостовите зависи и од материјалите од кои е изграден. Штедењето пари на материјали води до често поправање на штетите, а со користење на евтини материјали мостот станува ранлив на опкружувањето.
5. Слабо одржување
Недостатокот на внимание и одржување на мостовите доведува до полоша ситуација на структурата, доколку многубројните проблеми се игнорирани. Со поправки и редовни контроли на одржување може да се продолжи функционалноста на мостовите.
