Правилната исхрана, богата со минерали и хранливи состојки потребни на телото за развој и функционирање, може да помогне да се намалат шансите за развој на одредени видови рак.
Информациите за намирници поврзани со рак доаѓаат од истражувања од релевантни извори како што се Светската здравствена организација и Центарот за канцерогени истражувања во Обединето Кралство.
Постојат одредени намирници кои треба да ги ограничувате и избегнувате.
Според Светската здравствена организација, постојат уверливи докази дека преработеното месо предизвикува рак. Класифициран како канцерогена група 1, посебно е поврзано со рак на дебело црево и желудник.
Примери за преработено месо со канцерогени својства вклучуваат: виршли, шунка, колбаси, јунешко месо, конзервирано месо. Алтернатива може да биде белата риба, белото месо како пилешко или мисиркино.
Црвеното месо е класифицирано како група 2А што значи дека е веројатно канцерогено за луѓето. Најсилната врска меѓу консумирање црвено месо и рак е колоректален рак, но постојат докази и за поврзаност со рак на панкреас и простата.
Препорака е да не јадете повеќе од 65 до 100 г неделно приготвено црвено месо. Алтернатива се грав, мешунки, бело месо или риба.
Некои истражувања сугерираат дека прженото месо може да го зголеми ризикот од рак. Супстанци наречени хетероциклични амини се формираат во храната која се готви на високи температури.
Алкохолот е класифициран како канцероген во група 1 што значи дека постојат доволно докази за канцерогеност кај луѓето. Облици на рак посебно поврзани со консумирање алкохол се рак на уста, грло, дојки, црн дроб, желудник и црева.
Консумирањето една чаша вино со вечера нема толку негативен ефект како претераното консумирање неколку видови алкохол во еден ден. Всушност, една студија покажа дека умерената консумација на црвено вино може да биде поврзана со понизок морталитет и намален ризик од коронарни болести и мозочен удар.
Дебелината е главен фактор ризик за неколку видови рак и затоа е важно да одржувате здрава тежина. Тоа може да се постигне за правилна исхрана која ги вклучува разновидни намирници.
Ако редовно се консумираат слатките пијалаци може да доведат до дебелеење, а во преголеми количини и до прекумерна тежина.
Светскиот фонд за истражување рак препорачува ограничување на брзата храна и другите преработени производи кои содржат висока количина скроб, масти или шеќери, бидејќи тоа помага во внесувањето калории и одржувањето здрава тежина.
Алтернатива се домашен сендвич од леб од цело зрно или салати.
