Има многу причини поради кои се појавуваат подочници: стрес, недостаток на сон, хормонски промени и друго, но не треба да купувате скапи креми за да ги сокриете.
Може да користите намирници кои ги имате во својата кујна.
Краставица
Краставицата е најдобар начин за да ги покриете подочниците. Исечете две кришки краставица и оставете ги во фрижидер 30 минути. Потоа, ставете ги на подочниците и почекајте 10 минути. Измијте ги очите со млака вода. Применувајте ја методата два пати дневно за да изгледате свежо.
Домати
Содржат ликопен, антиоксидант кој прави чуда за кожата. Може да измешате цеден домат со малку сок од лимон. Нанесете со туфер под очите. Измијте по 10 минути.
Компир
Компирот е извор на витамин Ц кој го враќа сјајот на кожата и ги отстранува подочниците. Направете сок од компири и нанесете го со туфер.
Портокал
Сокот од портокал е идеален за негата на очите бидејќи содржи витамини А и Ц.
Бадемово масло
Има висока концентрација на витамин Е. Нанесете мала количина и измасирајте ја на подочниците. Оставете да делува преку ноќ и измијте ги очите наутро.