Одредени животни навики може да го отежнат, па дури и невозможното губењето на салото од стомакот, а некои од нив се: седење по цел ден, пушење, прекумерно консумирање храна, лош сон и погрешен избор на вежби.
Висцералните масти се поврзани со зголемен ризик за голем број здравствени проблеми, вклучувајќи дијабетес тип 2, хипертензија, срцеви заболувања, висок холестерол, заболување на замастен црн дроб, метаболички синдром и поголема смртност.
Поради ова, многу луѓе се подложени на различни методи за слабеење, но одредени навики можат да го забават процесот.
Според лекарите, следните 5 навики го забавуваат губењето на салото од стомакот:
Поминувањето неколку часа дневно во седечка положба е прилично нездраво и е фактор на ризик за хронични болести, како што се дијабетес тип 2 и срцеви заболувања, велат лекарите. Со користење на техники за МРИ и монитори за физичка активност, истражувањата покажаа дека колку повеќе време поминуваме во седечка положба, толку е посилна поврзаноста со повисоките нивоа на внатрешни и стомачни маснотии. Ова е особено така ако долгите периоди на седечко однесување биле непрекинати.
Иако губењето на тежината е покомплицирано отколку едноставно внесување и изнесување калории, јадењето повеќе отколку што согорувате ќе го забави губењето на маснотиите. Јадете 500 до 1.000 калории помалку отколку што согорувате во еден ден за да изгубите и до половина килограм неделно, сугерира Центарот за контрола и превенција на болести во Обединетото Кралство.
Лишувањето од сон (спиење помалку од 7 часа навечер за здрави возрасни лица) ќе го забави губењето на тежината во стомакот. Истражувањата покажуваат дека, дури и кај млади, здрави и релативно слаби субјекти, лишувањето од сон е поврзано со зголемен внес на калории, многу мало зголемување на телесната тежина и значително зголемување на акумулацијата на абдоминалните масти.
Што се однесува до согорувањето на салото на стомакот, експертите препорачуваат редовни аеробни вежби. Тренингот со отпор е одличен за подобрување на силата и зголемување на чистата телесна маса, но ако сакате да ги намалите мастите од стомакот, аеробното вежбање е подобар избор бидејќи согорува повеќе калории.
Пушењето може да доведе до зголемување на висцералните масти, покажуваат бројни студии. Тутунот влијае на распределбата на маснотиите преку хормони како што е кортизолот, кој го зголемува таложењето на маснотиите во стомакот.