Тешко е да го надминете крајот или откажувањето на вашата омилена ТВ серија, но 2017 носи нови серии што лесно ќе станат вашите нови фаворити.
13 Reasons Why
Серијата ја следи приказната на средношколецот Клеј Џенсен кој само што ја изгубил другарката и симпатија, Хана. Еден ден ќе добие мистериозен пакет со касети што ги снимила девојката и во кои објаснува зошто се самоубила. Клеј наскоро ќе открие дека можеби е една од причините зошто девојката одлучила да си го одземе животот.
Премиера: 31 март, 2017
A Series of Unfortunate Events
По мистериозниот пожар во кој ќе загинат нивните родители, трите деца Вајолет, Клаус и Сани Бодлер ќе заминат да живеат со нивниот најблизок жив роднина кој ќе стане нивен старател. Грофот Олаф има една цел: да го земе нивното семејно богатство. Децата успеваат да побегнат и полека почнуваат да ги откриваат тајните од минатото на нивните родители. Серијата е базирана на романите на Лемони Сникет.
Премиера: 13 јануари, 2017
Legion
Најочекуваната ТВ-серија за суперхерој на Marvel се фокусира на Дејвид Хелер, син на Професор Х од X-Men. Дејвид е мутант и неговата моќ е видовитост. Тој се смета за еден од најмоќните и најопасните од неговиот вид. Неговата приказна се одвива во еден сложен свет со многу специјална атмосфера и ги следи проблемите со кои се соочува додека да научи да ги контролира неговите моќи.
Премиера: 8 февруари, 2017
Big Little Lies
Главните улоги во комично-драмската минисерија ги играат врвни холивудски актерки, како Никол Кидман и Рис Витерспун. Серијата е базирана на истоимената книга на Лиен Моријарти и ја следи приказната на една богата заедница каде во навидум совршениот живот на три мајки на првооделенци се кријат мрачни тајни и лаги и ќе се случи убиство.
Премиера: 19 февруари
Feud
Оваа антолошка приказна е за легендарното соперништво меѓу славните актерки Бети Дејвис и Џоан Крафорд за време на снимањето на филмот What Ever Happened to Baby Jane? Од 1962 година. Филмот беше номиниран за Оскар таа година и стана филмски класик. Драмата во осум дела се фокусира на тензиите зад камерите, а актерската екипа за серијата е феноменална.
Премиера: 5 март, 2017