Чувството на жед не мора секогаш да биде знак на дехидрација, може на пример да биде показател дека премногу се потите и дека треба да пиете повеќе вода. Покрај тоа, може да биде и симптом на некои болести, како и нуспојава на некои диети и терапии.
Затоа, ако постојано сте жедни еве неколку можни причини за тоа:
Сува уста
Ако имате чувство дека устата ви е многу сува тоа може да го засили чувството на жед. Сепак, оваа состојба се случува кога жлездите не произведуваат доволно плунка за навлажнување на устата. Ова може да биде и резултат од некоја терапија од лекови, од пушење или стареење. Други симптоми се лош здив и воспалени непца.
Дијабетес
Кога имате дијабетес во крвта се насобира глукоза што ги тера бубрезите повеќе да работат за да го апсорбираат тоа. Кога бубрезите повеќе не можат телото почнува да произведува повеќе урина од вообичаено.
„Честото мокрење ќе донесе со себе и жед. Тоа доведува до пиење повеќе течности, што повторно создава проблем“, вели д-р Хедер Росен.
Овој симптом се нарекува полидипсија, односно жед која никако не може да ја изгасите. Секако, тука се и други симптоми кои се појавуваат со тоа, па самата жед не значи дека имате дијабетес, но треба да се консултирате со доктор ако имате некои проблеми.
Анемија
Оние кои се анемични не произведуваат доволно здрави црвени крвни клетки, поради тоа телото не добива доволно кислород. Како што анемијата се влошува, може да предизвика жед покрај други симптоми како премореност и слабост.
„Телото губи црвени крвни клетки побрзо од што може да ги надомести и губењето течности ќе сака да го надомести со активирање на чувство на жед“, вели Росен.
Повеќе вежбате
Ако пиете многу вода можеби ќе ве зачуди како одеднаш ви се чини дека никако не ви е доста од вода. Можна причина е што сте ги засилиле тренинзите. Ако сте поактивни од претходно, количината на вода што досега сте ја консумирале можеби не ви е доволна. Кога повеќе се потите, губите повеќе течности и мора да пиете повеќе вода.
Експертите препорачуваат да пиете вода 15 минути пред тренинг и секои 20 минути од тренингот да пиете течности за да останете хидрирани, пишува Men’s Health.
