Ќе ви досади, ќе пробате илјада други работи и пак ќе ѝ се вратите. Има и зошто.
Не е така жестока поза како doggy style, ниту секси како „обратна каубојка“, но мисионерската поза има свој шарм и предности. Како маичка што одамна не е за носење, но кога ќе ја облечете по подолго време ви е толку удобна и позната, па сфаќате зошто ви била омилена и никако да ја фрлите.
Еве зошто одново и одново ѝ се враќаме на класичната мисионерска поза.
Овозможува одличен контакт „кожа на кожа“. Ако го погодите аголот и со малку повеќе труд, во оваа поза има најголема веројатност за најмногу допирање меѓу двете тела, а што е посекси од допир по целото тело?
Контакт очи во очи. Тоа е прилично секси и помага во комуникацијата за време на сексот. Исто така двајцата имате можност да ја гледате саканата личност како ужива и доживува оргазам. Истовремено.
Бакнежи. Во оваа поза имате непречена можност да се бакнувате цело време за време на сексот. Бакнувањето само ја зголемува блискоста и го крева либидото, а исто така го одржува ритамот и не дозволува да ја „загреете“ атмосферата пребрзо. Дозволете си сензуалност и уживање.
Во мисионерска поза има најдобра можност за стимулација на клиторисот, а ако ставите перниче под партнерката, подостапна ќе ви биде и фамозната Г-точка.
Сѐ на сѐ, мисионерската поза може да биде многу секси и сензуална ако се вложите во односот и сте одлучни да дадете сѐ од себе за взаемно уживање. Тоа важи и за двајцата.