Чајот од камилица долго време се користи како традиционален народен лек. Камилицата содржи хемикалии наречени флавониди, вид хранливи состојки, присутни во многу билки, а кои имаат значајна улога во лековитоста.
Истражувачите сè уште не се сигурни кои други хемикалии присутни во камилицата се одговорни за нејзината лековитост.
Кои се придобивките од пиењето чај од камилица?
1. Намалување на менструалните болки
Неколку студии го поврзуваат чајот од камилица со ублажување на менструалните грчеви. Истражување од 2010 година покажа дека консумирањето чај од камилица во текот на месецот може да ја намали менструалната болка предизвикана од грчевите. Жените коишто учествувале во истото истражување исто така изјавиле дека биле помалку анксиозни и помалку чувствувале стрес во текот на тој период.
2. Го намалува шеќерот во крвта и е добар за дијабетичари
Некои истражувања покажаа дека чајот од камилица може да го намали нивото на шеќер во крвта кај луѓето со дијабетес. Чајот не може да биде замена за лекови, но може де биде корисен додаток.
3. Може да ја ублажи остеопорозата
Остеопорозата е прогресивно губење на густината на коските. Ова губење го зголемува ризикот од кршење на коски и искривено држење. Иако оваа состојба може да се развие кај која било личност, најчесто се појавува кај жените во менопауза. Се смета дека тоа би можело да биде последица од ефектот на естрогенот.
Студија од 2004 година откри дека чајот од камилица помага кај густината на коските, но авторите предупредуваат дека се потребни дополнителни истражувања за да се докаже поврзаноста.
4. Помага во спиењето и опуштањето
Се смета дека чајот од камилица им помага на луѓето да се опуштат и полесно да заспијат. Многу истражувачи веруваат дека чајот од камилица може да функционира како бензодиазапини, лекови кои можат да ја намалат анксиозноста.
5. Ги ублажува симптомите на настинка
Некои студии сугерираат дека вдишувањето пареа со екстракт од камилица може да ги ублажи симптомите на настинка, но потребни се дополнителни истражувања за да се утврди поврзаноста, пишува Medical News Today.