Бананите се дел од секојдневната исхрана на луѓето, многу се хранливи и корисни за срцето, шеќерот во крвта, варењето на храната и многу други работи, пишува Insider.
Пет придобивки од бананите:
Една средна банана има 110 калории, 1 г протеини, 28 г јаглехидрати, 15 г природен шеќер, 3 г влакна, 450 мг калиум, 32 мг магнезиум, витамин Ц 10,3 мг и 0,4 мг витамин Б6.
„Бананите се познати по калиумот, но постојат и други витамини и минерали кои заслужуваат внимание. Значаен извор се на Б6 и влакна кои играат витална улога во важните функции на телото како намалување на холестеролот и подобрување на расположението“, вели Лиса Ричардс, советник за исхрана.
Идејата дека луѓето со предијабетес или дијабетес треба да избегнуваат слатко овошје е мит, се додека сте во границите на вашите потреби за јаглехидрати. Тоа од прилика би било половина банана.
Бананите содржат пектин и резистентен скроб кои помагаат во намалувањето на шеќерот во крвта. Гликемискиот индекс на бананата е од 30 до 60, зависно од зрелоста.
„Колку е понизок гликемискиот индекс, помала е вредноста дека храната ќе предизвика брз скок“, вели Риачрдс.
За понизок гликемиски индекс советува да јадете позелено овошје.
И овде е битен калиумот. Иако повеќето луѓе го сметаат за минерал, тој делува и како електролит. Електорлитите се клучни за регулација на мускулните контракции.
„Со оглед на тоа дека срцето е мускул, калиумот и здравјето на срцето се тесно поврзани“, вели нутриционистот Моника Осландер Морено.
Морено вели дека бананата станала многу стигматизирана во културата на исхраната затоа што содржи јаглехидрати.
Вели дека бананите не дебелеат, туку напротив, помагаат полесно да се заситите.
„Комбинацијата на пектин и резистентен скроб го одложува празнењето на желудникот, што доведува до помал внес на калории“, вели Ричардс.
Кога станува збор за цревата, бананите даваат и одземаат. Зелените или позелените банани може да поттикнат запек поради поголемите количини на резистентен скроб и пектин, вели Ричардс.
Од друга страна, зрелите банани можат да помогнат во борбата против запекот.