Чек дис аут

Пет проколнати места во Европа, дел од нив се забранети за туристите

30. октомври 2019 - 16:40 | М.С.

Европа изобилува со културно-историски знаменитости, но нашиот континент е сведок и на многу мрачни настани. Постојат места во Европа кои многумина од вас не би се осмелиле да ги посетите. За овие места се смета дека се опседнати со духови, а неколку од нив имаат и забранет пристап за љубопитните туристи.

Килкени, Ирска

Едно од местата за кое се смета дека е проколнато е Килкени во Ирска. Доколку сте „ловец на духови“, ова е вистинското место за вас. Ирскиот град за кој се врзуваат трагични случки, се смета дека е вистински град на духови. Посетителите тврдат дека ги гледаат духовите на жените кои се погубени тука, под обвинение дека се вештерки. Килкени се наоѓа околку 80 км. од Даблин.

Освен „вештерките“, тврдат дека се појавуваат духовите на луѓето кои настрадале во поплавата во 1763 година кога загинале 16 луѓе. Во утринските часови кога има магла, се појавуваат човечки привиденија над реката.

Островот Повеља, Италија

Во близина на Венеција, се наоѓа островот Повеља, кој се смета за проколнат заради добра причина. На овој остров се протерани сите кои умирале од чума, а во 19 век е отворена и психијатриска болница.

Болницата е затворена откако се појавиле шпекулации дека докторот изведува експерименти над пациентите и дека затоа се надвор од очите на јавноста. Островот е забранет за посетители.

Дворецот Брисак, Франција

Овој прекрасен проколнат дворец со подови од злато и луксузен мебел е сведок на мрачен настан. Тука е убиена девојката Шарлота, која извршила прељуба со пријателот на нејзиниот маж. Кружат приказни дека таа се шета по дворецот и засекогаш ќе остане тука. Посетителите тврдат дека ја виделе како се шета по замокот во зелен фустан.

Лондонска кула, Англија

Оваа градба има многу крвава историја. Изградена е во 11 век и е користена за заштита на аристократијата, а подоцна како затвор. 

Во оваа кула се убиени Хенри VI, како и кралицата Ана Болен.

Многумина тврдат дека духот на Ана Болен „плута“ околу местото каде што таа е погубена. Ова место годишно го посетуваат околу три милиони луѓе.

Акершус Фестинг, Норвешка

Средновековниот дворец е изграден во 1300 година, а во него затворениците извршувале тешка физичка работа и биле оковани и со синџири.

Посетителите тврдат дека тука постојано се слуша шепотот на духовите и гребење со нож.

Коментирај