Грижата за имунитетот е многу важна, а посебно во време на корона. Добро е да знаете како да го зајакнете, но подеднакво добро е и да знаете како да ги избегнете работите кои го прават спротивното.
Секојдневниот стрес
Често слушаме дека стресот е причина за бројни здравствени проблеми, но важно е да се знае дека одредена доза на стрес ни е сепак потребна. Стресот не поттикнува да бидеме поефикасни, побрзи, поуспешни, нè тера напред и продонесува за квалитетот на извршените задачи. Тоа што треба да го избегнуваме е неконтролираната изложеност на секојдневниот стрес. Ова е полесно да се слушне отколку да се направи, но можеме да делуваме на два начини. Идеално е да се делува на изворот на стресот, но ова во некои случаи е невозможно. Тогаш се препорачува како да пронајдеме начин ја промениме нашата перцепција на стресните ситуации. Ова не е лесно, но вреди да се проба и функционира.
Недоволно сон
Можеби на прв поглед личи лесно да го промените, но всушност е многу тешко. Денес е многу тешко човек да си дозволи 8 часа сон. Тоа што можеме да го промениме е рутината пред спиење, така да избегнуваме екрани барем еден час пред спиење и да ги отстраниме изворите на агресивно осветлување. За да ги смириме телото и умот помага и вечерна медитација.
Лоша исхрана
Во брзото секојдневие лесно забораваме на една од најважните работи, а тоа е што внесуваме во своето тело. Брзата храна и алкохолот се повремена утеха, но често преминуваат во навика. Нутритивно избалансираната исхрана и внесот на разновидни намирници се од голема важност.
Претерана чистота
Првенствено треба да се нагласи дека многу е важно да се одржува личната хигиена. Меѓутоа, како и во сè, може да се претера и во чистотата. Нашиот имунолошки систем се развива низ изложеност на надворешни влијанија, како и на вистуси и бактерии, кои ги има насекаде околу нас. Конечно, не е проблемот во миењето раце ни во одржувањето на личната хигиена и хигиената дома. Проблемот е во избегнувањето на надворешните и внатрешните простории каде условите не се стерилни.
Недоволна хидратација
Водата е повеќе од половина од нашето тело и потребна ни е за нормална работа на метаболизмот. Едноставно е, но луѓето често забораваат на овој факт. Не е потребно да се држите до одреден распоред ниту да форсирате број на чаши во денот. Пијте кога сте жедни и со секој оброк, а во склад со дневните физички активности.