Секоја жена има некоја тајна, но што е со мажите? Иако жените мислат дека знаат сè за нивниот партнер, сепак честопати не е така. Постојат работи кои мажите ги премолчуваат и работи за кои не сакаат да зборуваат.
Не е важно колку време сте заедно, ниту колку долго време живеете со него, некои работи едноставно мажите не ги откриваат за себе и тоа од различни причини.
Мажите кријат дека:
1. Гледаат во други жени
Отсекогаш е познато тоа дека мажите едноставно сакаат да зјапаат во други жени, но тоа не треба да му го замерите на партнерот. Ако тоа го прави често или вам едноставно ви смета, обидете се да разговарате на таа тема. Укажете им, бидејќи понекогаш ни самите не можат да си помогнат за некои работи.
2. Потребна им е поддршка
Жените секогаш детално раскажуваат што им се случува на работа, во семејството и слично, но мажите често ги премолчуваат тие детали и моменти. Затоа им е потребна поддршка во домот, да почувствуваат дека може да се отворат и да разговараат. Тоа нема пречесто да се случува, но кога ќе се случи едноставно дадете му поддршка.
3. Имаат фобии
Секој човек има стравови, а мажите не сакаат да зборуваат многу за нив. Особено не сакаат да признаат дека имаат фобии. Но, штом еднаш ви се довери или сами дознаете кои се неговите најголеми фобии, немојте да ги користите за исмејување.
4. Не обрнуваат внимание на ситници
Како што знаете, мажите и жените немаат ист поглед на работите. Често се случува да имате различен став и однос кон многу работи, па и кон ситниците. Затоа, ако ви изгледа дека жените често се фокусирани на деталите, а мажите не обрнуваат внимание на нив, најчесто и навистина е така.
5. Размислуваат за глупости
И покрај стереотипите за тоа дека машкиот ум е повеќе склон кон логично и системско размислување, интересно е тоа што и тие сакаат да размислуваат за нешто „глупаво“. Невозможно е секогаш да се биде сериозен, понекогаш треба човек да се опушти и тие тоа и го прават.