По овие пет работи ќе ги препознаете натпросечно интелигентните луѓе и ќе дознаете зошто се разликуваат од останатите.
Желни се за нови знаења
Луѓето со висок коефициент на интелигенција никогаш не се задоволуваат со тоа што го знаат, секогаш копнеат по нови искуства и информации. Уживаат во процесот на учење, во тоа да го прошират својот ум и да се впуштаат во интелигентни разговори кога ќе им се пружи прилика за тоа.
Го преиспитуваат тоа што ќе го слушнат
Не веруваат во се што ќе слушнат, ги преиспитуваат традицијата, верувањата, етичките норми, системот во кој живееме, светот во кој постоиме. Не земаат ништо здраво за готово и не се претопуваат во масата, туку развиваат критичка мисла и темелно истражуваат пред да создадат лично мислење за нешто.
Не ставаат никого на пиедестал
Луѓето со натпросечна интелигенција ретко имаат идоли и ретко бараат некој да ги води низ животот. Знаат дека тоа што го бараат и што им е потребно можат да го пронајдат во самите себе.
Го ценат времето минато со самите себе
Никогаш не им е досадно додека се сами, ја знаат вредноста на времето минато со самите себе во тишина. Натпросечно интелигентните луѓе минуваат колку што е можно повеќе време со самите себе и со своите мисли бидејќи се свесни дека некои одговори на прашањата кои ги мачат се длабоко во нив.
Идеите ги спроведуваат во дело
Натпросечно интелигентните луѓе знаат дека мислите и идеите не значат ништо без дејствување. Ако сакаат нешто да постигнат во животот, разбираат дека тоа што го поседуваат како знаење и вештини мора да го применат во конкретни дела.
Свесни се дека од вашите мисли нема никаква корист ако не ги споделите со другите и ако не ги користите за да придонесете во светот.
Сепак, натпросечно интелигентните луѓе разговараат за идеи, не за туѓи животи.