Влажните марамчиња често ни се наоѓаат за пребришување на различни површини, но особено треба да се биде внимателен со марамчињата за дезинфекција кои содржат алкохол.
Ако ги користиме за бришење површини кои реагираат лоши на алкохол ризикуваме таквите површини трајно да ги оштетиме.
Кои работи не смееме да ги бришеме со овие марамчиња?
1. Кожни чанти или кожен мебел
Доколку вашата омилена кожна чанта се извалка или сте истуриле нешто на кожен мебел можеби помислувате дека најбрз начин да ја пребришете површината е со влажно марамче, но тоа трајно може да ја уништи кожата. Наместо тоа, набавете средство за чистење кожа или со помош на вода и сапун благо поминете низ тоа подрачје.
2. Очила за вид
Не треба да ги чистите очилата за вид со влажни марамчиња, бидејќи со текот на времето можат да го уништат заштитниот слој од површината на стаклото. Наместо тоа, чистете ги со крпа и средство за чистење.
3. Бисерен накит
Бришењето бисерен накит со марамчиња за дезинфекција не е баш добра идеја. Амонијакот, кој е честа состојка на овие марамчиња, може да ги оштети нежните бисери така што ќе го изгубат сјајот.
4. Екран на допир
Никако немојте да го бришете екранот на мобилните, таблетот и останатите уреди со влажни марамчиња. Може да се случи еден дел од екранот трајно да се замати. Подобро е да користите крпа за очила или средство за екран на допир.
5. Чувствителна облека
Многу материјали се чувствителни и можат да бидат оштетени ако ги чистите со влажни марамчиња за дезинфекција.