Ни доаѓа есента, а со неа и долгите дождливи вечери кои е најдобро да се поминат со добар филм и во пријатна атмосфера.
Стуткани под топол покривач или во прегратка на саканата личност, ова се некои од најдобрите романтични филмови кои можете да ги гледате.
Американска епска романска и филм за катастрофа, излезен во 1997 гопдина, кој го напиша и режираше Џерјмс Камерон. Во оваа измислена приказна за најпознатата пловидба и брод во целата човечка историја глумат Леонардо Дикаприо како Џек Досон и Кејт Винслет како Роуз ДеВит Букатер. Тие се фатални љубовници, засекогаш запаметени во филмската историја. Иако главните ликови и љубовната приказна се целосно измислени, во филмот се појавуваат и вистински историски личности.
Филмот „Pretty Woman“ ја лансираше Џулија Робертс во орбитата на филмските ѕвезди! Станува збор за приказна за проститутка и бизнисмен, двајца луѓе од сосема различни светови кои наоѓаат нешто што би можело да ги насочи во иста насока. Ричард Гир е Едвард Луис, бескомпромисен бизнисмен кој патува во Лос Анџелес како дел од својата последна задача и решава да се опушти во друштво на проститутка. На неговиот повик одговара младата и убава Вивијан Вард (Џулија Робертс), која многу брзо му се допаѓа и ја кани да ја поминат цела недела заедно. На крајот, нивната врска се развива во сосема поинаква насока од планираната.
Николас Спаркс е автор на романот „The Notebook“, кој ја раскажува љубовната приказна за еден војник, повратник од Втората светска војна, кој не можејќи да ја пронајде својата голема љубов од пред 15 години, мора да помине низ едно исто сеќавање што го има од неа, романтичното лето што го поминале заедно, сѐ додека ненадејно не ја здогледа... Според многу критичари и читатели, книгата е добра, но филмот е тој што целосно ја однесе публиката. Рајан Гослинг и Рејчел МекАдамс едноставно се истакнаа во филмот под диригентската палка на режисерот Ник Касаветес.
Главните улоги во овој филм ги толкува нашата омилена двојка од 90-тите, Том Хенкс и Мег Рајан, кои овој пат глумат деловни ривали кои всушност низ целиот филм се натпреваруваат за, се разбира, да ја реализираат својата љубовна приказна во еден идиличен пресврт.
Филмот е исклучително успешна фантастична приказна за љубовта која успева да ја победи самата смрт. Него го потпишува американскиот продуцент и режисер Мартин Брест, авторот на филмот „Scent of a Woman“. Филмот ја раскажува приказната за Вилијам Периш (А. Хопкинс), богат и моќен бизнисмен, сопственик на медиумска империја, кој по смртта на неговата сакана сопруга го посветува својот живот на својата работа и на неговата обожавана ќерка Алисон (М.Г. Харден) и Сузан (К. Форлеини). Во пресрет на прославата на неговиот 65-ти роденден, тој доживува срцев удар за време на кој слуша непознат глас како го најавува неговото неизбежно заминување од овој свет.
Наскоро го посетува мистериозен странец со очигледно измислено име, Џо Блек (Б. Пит). Всушност, станува збор за ангелот на смртта кој дошол по уште едсна душа. Но, ангелот почнува да чувствува нешто што ниеден ангел никогаш не треба да го почувствува, а тоа е љубовта кон прекрасната ќерка на Периш, Сузан. Бидејќи ова чувство е взаемно и исклучително силно, рутинската задача на предвесникот на смртта се претвора во вистинска авантура.
