Секогаш кога ќе почувствувате страшна главоболка вашиот мозок многу лесно почнува да мисли на најлошото што може да се случи, но тоа не значи дека главоболката е причинета од нешто сериозно.
Најчесто главоболките се појавуваат како резултат на секојдневни активности кои се штетни за вас, без вие да знаете за тоа. Воглавно, главоболките настануваат кога крвните садови, мускулите и нервите во вашата глава ќе станат премногу стимулирани.
Јадење на големи колични сувомеснати производи
Можеби звучи наивно и чудно да се каже дека обичен сендвич со кулен може да биде причина за главоболка, но внесувањето на поголема количина сувомеснати производи може да резултира во болки во главата. Главната причина за ова се нитратите, кои компаниите ги ставаат во месото за да спречат ширење на штетни бактерии.
Имате промени во спиењето или недостаток на сон
Некои главоболки се појавуваат како резултат на менување на креветот или душекот на кој спиете, па ако сакате да го задржите новото легло, тогаш ќе мора да живеете одредено време со главоболка. Сепак, таа ќе престане кога мускулите на телото ќе се навикнат на спиење на тоа место. Но, уште поголема причина за главоболки е недостатокот од сон. Затоа, пробајте да имате редовен и квалитетен сон.
Прескокнувате оброци
Понекогаш морате да прескокнете некој оброк поради обврска која не можете да ја одложите, но не дозволувајте тоа да ви прејде во навика. Прескокнувањето на оброци ќе ве остави гладни и може да предизвика дехидрација, а главоболката е начин на кој телото ви кажува дека правите нешто погрешно.
Имате лош став
Вашата мајка отсекогаш беше во право: многу е важно да стоите и седите исправено. Ова не го зборуваше само поради тоа што „децата ќе ти се смеат“, туку и поради тоа што правилниот став е многу важен за вашето здравје. Тој овозможува добра циркулација, со што се намалува ризикот од главоболки.
Можеби сте под стрес
Стресот е најголемиот причинител на неповикани главоболки а вие веројатно веќе го знаевте тоа. Иако не постои јасна врска која може да се објасни помеѓу стресот и главоболката, сепак докторите велат дека главоболките предизвикани од стрес ги напаѓаат луѓето кои имаат помала толеранција на болка од останатите. Како ефективен лек кој можете да го најдете секаде е чајот од валеријана, кој ќе ги опушти вашите мускули и ќе ви помогне полесно да се справите со стресот.
