За оние кои работат преку ден, ноќта им е симбол за слобода. Во тоа време се одмараат, се посветуваат на своето семејство или излегуваат надвор. Меѓутоа постојат и луѓе кои во текот на вечерта се чувствуваат нервозно и им е тешко да заборават на проблемите, да се опуштат или да заспијат.
Како да се ослободите од анксиозноста која се јавува во вечерните часови?
Откријте што ве мачи и фокусирајте се на вистинскиот проблем
Понекогаш се нервираме без причина и за секоја ситница, а ова е лошо за нашето ментално здравје. Доколку имате поголеми проблеми, фокусирајте се на изнаоѓање на решение, наместо да се грижите постојано. Доколку ви е потребно, побарајте помош од најблиските или од стручно лице.
Бидете продуктивни во текот на денот
Доколку сте ги завршиле сите обврски, ќе ви биде многу полесно да заспиете бидејќи нема за што да се грижите.
Вечерна рутина
За да не бидете под стрес, правете го она што ви се допаѓа. Може да ја гледате вашата омилена серија, да вежбате јога или некои други лесни вежби, да ги измиете садовите, да читате книга...Кога ќе го направите сето тоа, може да заминете на спиење.
Внимавајте на исхраната
Јадете балансирани оброци богати со зеленчук. Избегнувајте газирани пијалаци и кафе пред спиење.
Потрудете се собата секогаш да ви биде чиста
Чистењето на собата пред спиење ќе ви предизвика дополнителен стрес. Наместете го креветот веднаш откако ќе станете. Верувајте, ќе се чувствувате поспокојно кога ќе заминете на спиење и ќе забележите дека собата ви е средена.