Forbes издвои пет технолошки трендови за кои се смета дека во 2021 година сите би требало да бидат подготвени. Станува збор за трендови кои можат да бидат адекватен одговор на социјалните предизвици во новата реалност со пандемијата на COVID-19.
Првиот тренд е вештачката интелигенција за која се претпоставува дека следната година ќе биде многу позначајна од претходно, а ќе им помогне на луѓето да го разберат светот во кој живеат.
Особено ќе биде значајна во борбата против пандемијата на коронавирусот. Алгоритамите на вештачката интелигенција би можеле да бидат софистицирано решение за проблемите и предизвиците предизвикани од пандемијата.
Меѓу останатото, употреблива е за следење на луѓето кои биле во контакт со заразена личност или за анализа на голем број податоци за пандемијата. Сите тие податоци се потребни на болниците и другите здравствени установи.
Секако, вештачката интелигенција ќе биде подеднакво корисна и во бизнисот, оваа технологија е особено применлива во разбирањето на потрошувачките навики на луѓето, со оглед на тоа дека сè повеќе активности се вршат онлајн.
Во 2021 година дел од секојдневието сè повеќе ќе бидат и роботи, дронови и автономни возила. Самоуправувачките превозни средства особено ќе бидат застапени во јавниот превоз кој има сè повеќе корисници. Животот на луѓето ќе биде дополнително олеснет со поголемата употреба на роботи.
Ќе продолжи и трендот на се поголемо користење дронови. Се очекува значително да се зголеми нивната употреба за достава на медикаменти и други потреби.
Онлајн платформите исто така ќе бидат повеќе популарни идната година, особено оние адаптираните според потребите на корисниците. Најдобар пример за тоа е Zoom платформата која овозможува вршење на различни активности.
Кога станува збор за технолошките трендови во 2021 година мора да се спомене и 5G технологијата која не подразбира само побрз интернет туку отвора и низа можности како поголема автоматизација.
Сè повеќе се зборува за виртуелната и проширена реалност. И едната и другата исто така ќе бидат значајни ако продолжи пандемијата и во следната година.
Светот се менува со сè поголема брзина, а пандемијата со коронавирусот поттикна поширока примена на повеќе технолошки трендови за кои луѓето во иднина ќе треба да бидат подготвени.