Со цел да останеме здрави, во текот на зимата се фокусираме да не излеземе од дома без топла облека, но исто така е важно да внесуваме витамини и минерали кои ќе помогнат при заштита од настинки и грип.
Идеално решение е да внесувате што повеќе хранливи материи, витамини и минерали, преку исхраната. Но, ако тоа не ви оди баш најдобро, тука се и додатоците во исхраната. Без разлика на кој начин ќе ги внесувате, овие пет витамини и минерали особено се корисни во текот на зимскиот период.
Витамин Д
Телото природно произведува витамин Д кога сме изложени на сончева светлина, а во зимските месеци тоа е малку отежнато бидејќи деновите се пократки. За среќа, постојат намирници богати со витамин Д како што се лосос, туна, скуша, печурки, јајца и слично.
Кога станува збор за додатоци во исхраната, внимавајте да не претерате со количината бидејќи високата доза може да предизвика проблеми со бубрезите. Затоа, најдобро е да се консултирате со матичниот лекар.
Витамин Ц
Иако за него често се зборува како да е волшебен витамин кој не држи среќни и здрави во текот на зимата, сепак не е толку чудотворен. Може да ја намали тежината на болеста, бидејќи го подобрува имунолошкиот систем.
Намирници богати со витамин Ц се портокал, пиперки, брокула, киви, кељ и слично, станува збор за витамин присутен во многу намирници, особено во овошје и зеленчук.
Железо
Милиони луѓе страдаат од недостиг на железо, што може да биде проблематични бидејќи се работи за минерал заслужен з производство на хемоглобинот, протеин одговорен за пренос на кислород низ организмот.
Кога не внесуваме доволно железо, чувствуваме слабост и умор. Во тој случај е важно да го зголемиме внесувањето. Намирници богати со железо се цвекло, семиња, џигер, црвено месо, грав и слично.
Во случај на анемија ќе ви биде дадена соодветна терапија, но сепак правилната исхрана е клучна за овој проблем.
Витамин Е
Недостигот на витамин Е не е толку чест, но нашата кожа во зимските месеци многу често се лупи, суши и чеша. Затоа е важно да користите лосиони за тело, збогатени со витамин Е со цел да се одржи здравјето на кожата.
Исто така, витаминот Е ги намалува црвенилото, воспаленијата и брчките.
Витамин Б
Постојат осум витамини Б кои заедно се нарекуваат Б комплекс. Тоа се тиамин (Б1), рибофлавин (Б2), ниацин (Б3), панотенска киселина (Б5), пиридоксин (Б6), биотин (Б7), фолат (Б9) и кобаламин (Б12).
Станува збор за супер витамини од кои секој има уникатна функција, а заедно се чувари на здравјето.
Храна богата со Б витамини; житарки од цело зрно, месо, мешунки, лиснат зелен зеленчук и слично.
