Кафето е еден од најпопуларните пијалаци во светот, а со оглед на тоа дека овој период минуваме повеќе време дома поради пандемијата, многу лесно може да се случи да претераме со кафето.
Ако се прашувате дали внесувате премногу кафе во организмот, еве како да го дознаете одговорот.
Ако ненадејно почувствувате непријатни симптоми, немојте веднаш да помислите на некоја болест.
„Поголемата количина кофеин може да предизвика симптоми како главоболка, забрзано чукање на срцето, нервоза“, вели нутриционистот Патриша Бенан.
Доколку пиете кафе навечер, а забележувате дека имате проблеми со спиењето, може треба добро да размислите за оваа навика.
Пиењето кафе навечер, пред спиење, може да влијае на квалитетот на сонот, но и на општото здравје.
„Кофеинот останува во телото од три до пет часа, така што дури и кафето што сте го испиле попладне има влијание на спиењето“, порачува Бенан.
Можеби пиете кафе кога мислите дека ви треба повеќе енергија, но всушност така нивото на енергија се намалува. Ако упорно се фаќате за шолја кафе за да го надополните тој недостиг, истото може да влијае на спиењето, а со самото тоа да се чувствувате дополнително уморни.
Сите сме под стрес, но ако по цел ден пиеме кафе, само го влошуваме тоа. Благодарение на кофеинот по пиењето кафе расте нивото на кортизол, хормон на стресот.
Доколку забележите дека сте пожедни откако ќе го испиете вашето кафе, постои поврзаност со тоа. Кафето има диуретичен ефект што влијае на хидратацијата. Затоа треба да внимавате колку кафе пиете, а препорачливо е по кафето да се напиете чаша вода.