Основа на секоја добра врска е пријателството. Некогаш ова се гради истовремено, а понекогаш од пријателство преминува во љубов. Често таквите чувства се гушат и игнорираат од страв дека чувствата може да бидат невозвратени.
Овие пет знаци покажуваат дека вашето пријателство се претвора во љубов, односно дека е време односот да го подигнете на следното ниво:
1. Сте почнале да флертувате
Невино флертување се случува дури и меѓу пријатели, но може да укаже на тоа дека работите станале малку полични. Некои луѓе ова го сметаат за типично шегување, но флертот може да стане поинтензивен кога пријателите ќе прераснат во љубовници.
Ќе сфатите дека флертувањето често е клучно за да станете нешто повеќе од пријатели.
2. Имате нагласен говор на телото
Говорот на телото е најголема индикација која покажува дека некој ви се допаѓа. Многу истражувања покажуваа како луѓето реагираат кога се фасцинирани од некој. Тоа се следните работи:
- случајни допири
- проширени зеници
- насочување на стапалата кон личноста за која сте заинтересирани
- играње со косата, поправање на облеката
- грицкање на долната усна
3. Станувате љубоморни
Од сите овие знаци, љубомората најмногу укажува на вашите интимни чувства кон пријателот. Дали е нормално да бидете љубоморни кон него?
Кога ќе покажете дека се малку љубоморни, испраќате порака дека ја сакате таа личност.
4. Чувствуате силна физичка привлечност
Не можете да се воздржите, чувствувате силна физичка привлечност кон пријател. Вашето срце почнува забрзано да чука кога е тој тука и почнува да ве интересира како би било да сте во врска со него. Ова не е нешто необично, но ако мечтаете по неговите бакнежи и прегратки тоа значи дека веќе сте се оддалечиле од пријателската граница.
5. Постојано зборувате за него
Дали некој ви укажал дека премногу често го споменувате пријателот? Не може да престанете да размислувате за тоа што прави во текот на денот, зошто уште не се јавил или кога ќе биде следното дружење.
Пријателството полека се претвора во љубов, без разлика дали сакате или не сакате да си признаете.