Милијардерот Џеф Безос следниот месец ќе го исполни својот сон од детството – ќе отпатува во вселената, а според петицијата која има илјадници потписи, некои сакаат да не се врати воопшто.
На онлајн платформата Change.org се појави петиција: „Не му дозволувајте на Безос да се врати на Земјата“ и за неколку дена собра скоро 7.000 потписи.
„Милијардерите не треба да постојат. Ниту на Земјата, ниту во вселената. Но ако веќе одлучат да одат во вселената, треба да останат таму засекогаш, се наведува во описот на петицијата.
Основачот на американската технолошка компанија Аmazon ќе отпатува во вселената со леталото New Shepard на компанијата Blue Origin чиј сопственик е Безос.
Краткиот излет во вселената е планиран за 20 јули. Слободното место за ова патување со Безос е продадено за 28 милиони долари на аукцијата која траеше 10 дена. Не се знае кој победи на аукцијата.
