Нова, петта фаза од борбата со комарците ќе има во среда кога ќе биде извршено авионско прскање против вечниот непријател на скопјани.
„Градот Скопје ги известува граѓаните дека петтата фаза од авионската дезинсекција на подрачјето на градот Скопје, против ларви од комарци, ќе се изврши на 16.09.2020 година (среда), во раните утрински часови“, известуваат од Град Скопје.
Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, односно кога ќе бидат поволни временските услови.
Воедно, се известуваат и пчеларите навремено да ги преземат потребните мерки за заштита на пчелите за да не дојде до несакани последици.