Американската медиумска компанија US News & World Report го прогласи медитеранскиот начин на исхрана, односно медитеранската диета за најдобра во светот.
За потребите на листата, група од 27 експерти испита 40 диети и ги наведе во неколку категории. Од тоа колку е лесно да се придружувате на диетата, колкава е веројатноста корисникот да изгуби тежина (краткорочно и долгорочно), колку е диетата ефикасна во превенција на кардиоваскуларни болести или дијабетес и нутритивниот интегритет на исхраната.
Не постои единствена идеална медитеранска диета. Секоја од земјите на Медитеранот им своја култура и уникатни рецепти, но сите делат одредени кулинарски трендови и во исхраната вклучуваат интегрални житарки, овошје, зеленчук, мешунки, јаткасти плодови, риба и црвено вино.
Треба да се нагласи дека концептот на медитеранската исхрана не е диета, туку начин на живот базиран на разновидна исхрана.
Многу студии потврдија дека овој начин на исхрана може да спречи кардиоваскуларни болести, некои облици на канцер и дијабетес.
Медитеранската диета се препорачува и како терапија за разни хронични болести бидејќи ја подобрува контролата на одредени параметри како гликемија или висок крвен притисок.
Типичната медитеранска исхрана поттикнува внесување на житарки од цело зрно, разновидно овошје и зеленчук, омега-3 масни киселини и јаткасти плодови, внесување влакна и овозможува повремено уживање, пишува HealthMatch.
Дел од тајната на здравјето од ваквиот начин на исхрана е и во самата подготовка, но и употребата на маслиново масло при готвење.
