Разводот е еден од најстресните настани во животот, а причините поради кои доаѓа до тоа можат да бидат различни.
Група анонимни луѓе сподели кои биле последните караници кои ставиле крај на нивните бракови. Секој има своја посебна приказна, но многумина се сложни дека последната караница никогаш не довела до разделба. Во прашање се многу подлабоки проблеми.
1. Купување нов дом
Еден од паровите секојдневно се карал околу тоа која куќа треба да ја купат и никако не можеле да најдат заеднички јазик. На крајот, сега веќе бившиот сопруг сфатил дека жената станала постудена и воздржана кон него бидејќи не била сигурна дека повеќе сака да биде во брак со него.
2. Алкохол
Првата испитаничка признала дека се развела од сопругот поради неговото пијанство. Престанал да пие дури откако сфатил дека е алкохоличар, за крајот на нивниот заеднички живот жената да „удри“ на неговото его, велејќи му дека без алкохол веќе не е забавен.
3. Неверство
Третата приказна се однесува на неверство во бракот. Еден маж признал дека не можел да остане верен додека неговата сопруга била бремена. И покрај тоа што дознала за сите негови неверства, таа и понатаму се трудела бракот да опстане. Но, неверството никогаш не може да се заборави, а мажот и понатаму се кае и признава дека тогаш воопшто не бил добра личност.
4. Тага
Понекогаш до развод доаѓа бидејќи некој од партнерите или двајцата минуваат низ тежок период. Во тие моменти, наместо со заеднички сили да ја надминат тагата тие си вртат грб и полека се оддалечуваат, што не е решение.
5. Недостиг на разговор
Една од причините за развод е отсуството на комуникација, па дури и да е караница која може да укаже што му смета на некој, во што греши и како да се решат одредени проблеми.
Еден пар воопшто не се карал, партнерите никогаш не сакале да се расправаат и ги прифаќале работите такви какви што се. Но, комуникацијата е многу важна и доколку не постои големи се шансите да дојде до развод.
