Peugeot му оддаде почит на исклучително популарниот Boxer и претстави еден авантуристички концепт.
Духовниот наследник на Rifter 4x4 Concept располага со Dangel погон на сите тркала, дизел мотор со 165 коњски сили и максимален вртежен момент од 370 Nm, специфични гуми и подигнат под, и тоа 30 мм напред и 50 мм назад.
Тука е и дополнителното осветлување на кровот со осум LED модули од 508-ката. Патничкиот простор со површина од околу 10 квадратни метри нуди врвна удобност за три лица, а вклучува и простор за спиење, кујна и веце.
Ова кампер возило е создадено за авантуристи и луѓе кои сакаат да живеат во движење.
Опремено е и со периферени транспортни средства. Електричниот ромобил не е вклучен во понудата, но има електричен планински велосипед со eM02 FS Powertube асистенција и канадско кану.
Peugeot Boxer 4x4 Concept официјално ќе биде претставен на 28 септември.
