Компанијата Pfizer започна да ја тестира вакцината против COVID-19 кај деца помлади од 12 години и соопшти дека моментално се тестира помала доза на вакцината, пишува Voice of America.
Како што се наведува, во студијата учествуваат околу 4.500 деца од САД, Финска, Полска и Шпанија.
Во зависност од имунолошкиот одговор, во првата фаза кај децата меѓу 5 и 11 години ќе бидат тестирани 10 микрограми од вакцината, а кај децата на возраст од 6 месеци до 5 години ќе бидат тестирани со 3 микрограми.
Резултатите од тестирањата на вакцината кај деца од 5 до 11 години ќе бидат објавени во септември, а после тоа ќе бидат објавени и резултати од студијата кај помали деца, соопштија од Pfizer.
Вакцината за деца постари од 12 години е одобрена во САД, Канада и Европа.
