Една нова студија од САД вели дека честото консумирање алкохол може значително да ја влоши состојбата на луѓето со ХИВ.
Ефектите на алкохолот можат да бидат поизразени кај лицата со ХИВ, но и кај луѓето чија болест е потисната со антиретровирусна терапија.
Истражувањето истакна дека пациентите со ХИВ кои консумираат дури и само еден или два алкохолни пијалаци дневно имаат поголем ризик од смрт и други здравствени проблеми.
Студијата опфати пациенти третирани за ХИВ помеѓу 2008 и 2012 година, имаше повеќе од 18.000 ХИВ-позитивни пациенти и над 42.000 луѓе без инфекција. Беше испитана поврзаноста помеѓу алкохолот, развојот на други здравствени проблеми, покрај ХИВ и смртноста.
Резултатите покажале дека дури и умерените количества алкохол кај луѓето со ХИВ предизвикуваат дополнителни здравствени проблеми.
Забележани се и здравствени проблеми кај лица со антиретровирусна терапија (потиснат ХИВ) при консумирање алкохол. Иако луѓето на антиретровирусна терапија се глобално многу помалку болни и имаат многу помалку здравствени проблеми, сепак постои негативен дополнителен ефект на алкохолот врз нивната состојба.
Заклучокот од студијата е дека луѓето со ХИВ воопшто не треба да консумираат алкохол. Се проценува дека прагот за безбедно консумирање алкохол кај луѓето со ХИВ е многу помал отколку кај луѓето кои не се заразени.