Високиот холестерол е чест, но сериозен проблем, особено како што стареете.
Се препорачува возрасните на возраст меѓу 45 и 65 години да прават тестови на крвта еднаш годишно или на две години, а по 65-тата година најмалку еднаш годишно.
Ако не се лекува високиот холестерол, тоа може да доведе до затнување на артериите и срцеви заболувања. За среќа, постојат работи што можете да ги направите за да го одржите здравото ниво на холестерол. Покрај тоа што можете редовно да вежбате, важно е да внимавате што јадете, но и пиете.
Во продолжение ви откриваме од кои пијалоци треба да се држите на страна за да избегнете висок холестерол.
Алкохол
Ако сте изложени на ризик од висок холестерол, преиспитајте колку алкохол консумирате.
„Алкохолот го зголемува нивото на холестерол поради неговата способност да го стимулира црниот дроб да произведува повеќе од таа супстанција“, тврди диететичарот Роналд Смит.
Овошни сокови со додаден шеќер
Природните овошни сокови се здрави, особено оние кои содржат високо ниво на антиоксиданси, како што е сокот од калинка. Сепак, конзумирањето премногу овошни сокови, како оние со додаден шеќер, може да биде потенцијално штетно за оние кои се изложени на ризик од висок холестерол.
Смит истакнува дека овошните пијалаци можат да содржат високо ниво на додаден шеќер, што го зголемува нивото на триглицериди и затоа го зголемува нивото на ЛДЛ холестерол.
Газирани пијалоци
Иако вкусните, газираните пијалоци се исклучително штетни, како за холестеролот, така и за целокупното здравје.
„Тие се полни со шеќер и фосфати, а тие состојки го зголемуваат нивото на холестерол во вашето тело“, тврди Смит.
Милкшејк
И на крај, ако сакате млечни шејкови, можеби ќе сакате да внимавате колку консумирате. Овие пијалоци можат негативно да влијаат на нивото на холестерол. Според извештајот објавен во Laboratory Investigation, заситените масти може да го подигнат нивото на „лошиот“ холестерол и да го намалат „добриот“ холестерол во вашето тело.
