Во Норвешка е снимен немил настан во кој 24-годишен пијан возач заспал додека возел Tesla Model S, а за среќа настанот не завршил трагично.
Tesla системот за самостојно управување ја презел контролата и го запрел возилото при влегувањето во тунел, пишува Electrek.
Притоа, на автомобилот се активирани и светла за предупредување за да ги извести и останатите учесници во сообраќајот за итната ситуација.
Полицијата на Twitter објави дека возачот бил пијан, односно дека не управувал со возилото.
Tesla Motors постојано го унапредува системот за самостојно управување, но и предупредува дека секој облик на злоупотреба може да заврши со катастрофални последици. Затоа советуваат возачите и при активирање на автопилотот рацете да ги држат на воланот и да го следат сообраќајот.