Пијано виртуозот Борис Березовски со два концерти во Скопје – како солист и како диригент

Рускиот виртуоз на пијаното, еден од најбараните солисти на денешнината, Борис Березовски, во Скопје настапува со два концерти.

Првиот, кој ќе се одржи на 29 мај во Камерната сала на Филхармонија во 20 часот, е негов рецитал, кога ќе настапи со изведба на дела од Шуман (Пијано квинтет во Es-dur, оп. 44), Балакирјев („Исламеј“ оп. 18) и Григ (6 Лирски пиеси оп. 54 од Книга 5).

На рециталот, заедно со Березовски, ќе настапат и македонските извонредни музички уметници: Анна Кондратенко – виолина, Владимир Костов – виолина, Бојан Талески – виола и Александар Котевски – виолончело.

Веќе наредниот ден, на 30 мај со почеток во 20 часот, Березовски ќе настапи како солист со Филхармонијата на симфонискиот концерт под наслов „Кодот на Березовски“. Рускиот волшебник на пијаното ќе изведе два концерти за пијано и оркестар едноподруго, кога ќе биде и самиот диригент - Концерт за пијано и оркестар бр. 1 од Сергеј Прокофјев и Концерт за пијано и оркестар бр. 2 од Дмитриј Шостакович.

Оваа вечер ќе биде изведена и Симфонија бр. во 2 од Александар Бородин, под диригентство на младиот Виктор Митревски, кој годиниве наназад кариерата ја гради на европските музички подиуми.

Борис Березовски (1969) ужива голема репутација во Европа и во светот. Музичката критика едногласна во мислењето дека Березовски во моментов е еден од најмоќните пијанисти кој поседува уникатна техника и сензитивност, кој има специфичен пристап кон пијаното и, воопшто, кон музиката што ја изведува. Студиите ги завршува на Конзерваториумот „Чајковски“ во класата на проф. Елисо Вирсаладзе, а приватно се усовршува со Александар Сац. По неговото деби во лондонскиот „Вигмор хол“ во 1988 година, реномираниот весник „Тајмс“ го опишува Березовски како „уметник со исклучително ветување и пијанист со занемувачка виртуозност“. По две години, тој ги докажува своите квалитети на престижниот конкурс „Чајковски“ во Москва, каде што ќе му биде доделен златен медал. Оттогаш настапува со врвни оркестри, меѓу кои и со Њујоршката филхармонија, оркестарот „Филхармонија“ од Лондон, Ротердамската филхармонија, со диригенти како што се Курт Мазур, Владимир Ашкенази, Михаил Плетњов, Дмитри Китаенко, Антонио Папано, Густаво Дудамел...  Со рецитали и како камерен музичар, Борис Березовски настапува редовно на пијано-сериите на Берлинската филхармонија, на пијано-сериите на амстердамскиот „Концертгебау“ и „Ројал фестивал хол“ во Лондон, на фестивалот „Вербие“ или фестивалот „Ла рок д‘Антерон“...  Березовски соработува со истакнати музичари како што се Џулијан Рахлин, Мајкл Колинс, Ралф Киршбаум, Борис Пергаменшиков... Зад него се бројни аудиозаписи со изведба на дела од Шопен, Шуман, Рахмањинов, Балакирев, Равел..., а меѓу нив и носачи на звук што ги вклучуваат сите концерти за пијано и оркестар на Лудвиг ван Бетовен во изведба на Шведскиот камерен оркестар под диригентство на Томас Даусгард, сите концерти на Сергеј Рахмањинов со диригентот Дмитри Лис, или сите трансцендентални етиди на Франц Лист.

реклама

Маск: Време е Amazon да се разбие

Read more

[КАЈГАНА интервју] Себастијан Ерера - наскоро колумбиски шмек во репрезентацијата на Македонија?

Read more

Задолжителен 14-дневен карантин во Бугарија за наши државјани при влез во таа земја

Read more

Снајдер: Можев да бидам како Меси или Роналдо, но не сакав

Read more

Култура

Стоби очекува олабавување на мерките за да го отвори археолошкиот локалитет и да ги реализира проектите

Read more

Филмскиот фестивал во Венеција ќе се одржи во септември

Read more

Со претпазлив оптимизам, фестивалот „Здраво млади“ најавен за 27 август

Read more

Секторот за забава губи 160 милијарди долари поради пандемијата

Read more

Вести

  • play_arrow

Демонстранти запалија полицаец во Мексико

Читај повеќе

Дневен преглед на состојбата со COVID-19 во светот

Читај повеќе

Филипче: Околу 15 семејства сочинуваат 90 проценти од новозаболените

Читај повеќе

Петровска: По комплетирање на доказите ќе следуваат кривични за случајот на „Боемска“

Читај повеќе

Филипче ја објави официјалната бројка на новозаразени, вкупно се 180

Читај повеќе

Двајца доктори сопружници од „Систина“ позитивни на COVID-19

Читај повеќе

Полицијата била толерантна кон лицата кои биле затекнати на автопат за време на полициски час

Читај повеќе

Откриени 25 мигранти на автопатот Велес-Скопје

Читај повеќе

Потврдени 177 нови случаи на заболени со COVID-19

Читај повеќе