Дефанзивецот на Барселона Жерар Пике призна дека Јувентус играл подобро во двомечот и дека може да ја освои Лигата на шампиони.
Победата на Јувентус во првиот натпревар со резултат од 3:0 се покажа одлучувачка бидејќи во реваншот ја зачуваа стекнатата предност и одиграа без погодоци.
„КОга го видов Камп Ноу во таква атмосфера после пораз, бев горд. Беше тешко да се надомести поразот, имавме неколку шанси, ама не постигнавме голови. Како поминуваше времето стана јасно дека нема да ја оствариме нашата цел. Јуве одлично се бранеше, играа во стил што им одговара, одлични беа. Беа подобри во двомечот и заслужија да се пласираат во полуфинале. Им посакувам сѐ најдобро, верувам дека може да ја освојат Лигата на шампиони оваа сезона“, изјави Пике.
Во полуфиналето покрај Старата дама влегоа и Реал, Монако и Атлетико Мадрид.
Ждрепката за распоредот ќе се одржи утре.