Актуелниот светски првак Данска вчереа лесно ја совлада репрезентацијата на ДР Конго во второто коло од групата Д со 39:19.
Јохан П. Хансен ја предводеше Данска со 8 погодоци, но најголемата ѕвезда на натпреварот беше масивниот пикер на африканската репрезентација Готје Мвумби Тјери.
Човекот кој стана вирална ѕвезда и светска сензација со својот изглед на мечот од првото коло против Аргентина и вчера беше главна цел на фоторепортерите.
Симпатичниот Мвумби постигна 4 погодоци исто како и против Аргентина, и покажа дека и покрај неговото корпулентно тело, знае да игра ракомет, дури и против најдобрите репрезентации во светот.
На веб-страниците на францускиот четвртфиналист Дру, за кој Тјери игра од минатото лето, е објавено дека пикерот има 26 години, дека е висок 1,92 метри и, што е најинтересно за сите, тежи само 110 килограми.
Сепак, урнебесот следеше со пристигнувањето на официјалната веб-страница на Светското првенство. Таму се вели дека конгоанскиот титан е висок 1,76 метри и тежок 89 килограми.