Пикфорд му одбрани пенал на Хoланд, Сити пак не победи

Боксинг деј во Премиер лигата започна со дуелот од 13:30 часот на кој Манчестер Сити не успеа да го победи Евертон.

Голманот на Евертон, Џордан Пикфорд, му одбрани пенал на Ерлинг Холанд на стартот од вториот дел и спречи водтво на „Граѓаните“.

Сити и Евертон ги поделија бодовите натпреварот од 18. коло во англиската елита играјќи 1:1 на „Итихад“, а „Граѓаните“ пропуштија можност да поведат водство на стартот од вториот дел.

Поведе Сити во 14. минута преку Бернарду Силна, но гостите од Ливерпукл израмнија вои 36. минута со голот на сенегалскиот репрезентативец Илиман Ндиај.

Се играше 52. минута кога Виталиј Миколенко го собори Савињу во шеснаесетникот, а судијата Сајмон Хопер покажа на белата точка.

Топката ја зеде Норвежанецот Ерлинг Холанд и шутна во долниот десен агол на Пикфорд, но голманот на репрезентацијата на Англија го прочита и го одбрани неговиот удар.

Интересно беше да се види шишето со вода во кое гледаше Англичанецот пред пеналот на Холанд, што му овозможи да знае на која страна ќе шутира Норвежанецот.

На него беа испишани страните каде шутираат одредени фудбалери на Манчестер Сити, што се покажа како успешна тактика кога шутираше Норвежанецот.

Манчестер Сити четврти натпревар во низа нема победа во Премиер лигата, а токму Холанд синоќа изјави дека тој е главниот виновник за лошата форма на тимот.

Со овој бод „Граѓаните“ сега имаат 28 бодови и до крајот на денот, откако ќе се одиграат сите натпревари, многу веројатно дека ќе паднат од 6. место. Евертон има 17 бодови и засега е 15-ти.