Селекторот на српската фудбалска репрезентација Драган Стојковиќ Пикси беше пречекан со свирежи во пресрет на синоќешниот натпревар од Лигата на нации против Шпанија.
Незадоволните српски навивачи не го криеја разочарувањето поради лошиот резултат на ЕУРО во Германија, по што Стојковиќ остана на клупата и беше пречекан со свирежи.
Сепак, работите се сменија по мечот во кој Србија го запре актуелниот европски првак Шпанија.
Беше 0:0, а по мечот, Стојковиќ и неговиот стручен штаб со аплауз беа спроведени во соблекувалната на стадионот Рајко Митиќ.
„Кога ги гледам овие момци како гинат на терен, ја гледам таа желба, страст, таа трка и километрите што ги истрчавме, срцето ми е полно. Ако изгубивме, тоа е фудбалот, но тоа се враќа. Тие се важни, треба да бидат горди, излегоа храбро и со тој еден добар резултат“, изјави Стојковиќ по натпреварот.
Во следното коло за три дена Србија ќе го има дуелот со Данска на гостински терен.
