Сиднеј, 7 август 2018 (МИА) - Американската поп ѕезда Пинк примена е во болница во Сиднеј поради стомачен вирус, поради што одложи уште еден концерт во тој австралиски град.
Првиот концерт во Сиднеј на светската турнеја „Beautiful Trauma“ беше закажан за петок, но по препорака на лекарите, пејачката го одложи.
Пинк го издржа концертот во саботата, но во неделата била примена во болница поради дехидрирање.
Се очекува концертите да бидат презакажани.
Турнејата на Пинк низ Австралија е закажана од 4 јули до 26 август.
Пејачката последен пат беше на турнеја во Австралија во 2013 година кога одржа 46 концерти како дел од светската турнеја „Truth About Love“.
